الاردن الجميل

وأنا في الشارع اللي ميّل بدربي ظلال التين
وقلبي في الحقيبــة والمطار يشوفني ويقـرا
لقيت اللي اتنفسها رئـة حبي على ضلعين
تمشط شعري وقالت دروبكـ، يا ولدي خضرا
لقت ما بين أنفاسي حديث يشبه التلحـين
وحبّات العَرق أشبه بعقـدٍ تلبسهـ عَذرا
تقول: اجلس معي لحظة وقلت: أستأذِنكـ،.. بعدين
وضّمتني وقالت لي كلام بمسمعي يطرا
عجوزٍ تقلب الخبزة دعت لي وقلت أنا: آمين
وقالت يا ولدي سّلم على ( عمان )و( البترا )
وسلّم لي على تربة (جرش) واكتب لها سطرين
تقول انّ الغلا صلّى على آثارها السمرا
نعم يا أم الحنان أحتاج لجنون اللقا صدرين
عسى تستوعب الحـب الكبير بلهفـة المسرى
بلد لو جيتها قالت بصوت العاطفة: أهلين
بشاشةأهلها تجلي التعب والرحلة الغبرا
سلام الله على (الأردن) وناس بأرضها غالين
عدد ما تشرق الشمس وعدد ما تضحكـ، القمرا
بلاد مثل ما خلّد لنــا تاريخنـا (حطين)
يخلّد للكرامة بأرضها أمجادها الكبرى