شبكة منتديات الاردن اولا





مرحبا بكم ايها الزوار والاعضاء الكرام في منتداكم منتديات الاردن اولا اتمنى ان تستمع معنا وهناك كل ما يفيدك ويلزمك
 
الرئيسيةبحـثالتسجيلدخول

                                                
                       

شاطر | 
 

 أجمل نكت مضحكة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yara moh
عضو جديد
عضو جديد


عدد آلمساهمآت عدد آلمساهمآت : 5
نفاط آلآمتيآز نفاط آلآمتيآز : 15
اّلسٌّمعَة اّلسٌّمعَة : 0

مُساهمةموضوع: أجمل نكت مضحكة   الإثنين فبراير 25, 2013 11:14 pm


عندكأجمل نكت مضحكة

في طالبين وصلو المدرسة متأخرين
سأل الأستاذ واحد منهم وهو غضبان : وينك لهلا
قاله وهو عم يبكي : في ليرة ضاعتلي وكنت عم دور عليها
وما معي غيرها مصروف
وسأل التاني : وأنت وينك لهلا ليش متأخر؟؟
: قال له
كنت داعس عالليرة
________________
غبي عم يدّور على ليرة فقدها فقال له والده على شو عم تدور في الغرفة ؟
قال: ضيّعت ليرة بالحارة.
قال والده : وليش عم تدوّر عليها هون بالغرفة روح دوّر عليها بالحارة
قال: شنو هون في ضوء هونيك هونيك ما في
-------------------
واحد غبي عم يتغزل بحبيبته.

حبيبتي شايفي القمر شو بعيد.

قالت له: ايه بعيد كتير

قال: رائحة رجليكي واصلة لعندو
-----------------

غبي سوا عمليه و لمن شافها نجحت ،، قرر يسويها مره ثانيه
----------------
هاد مرة موظف وقف عند البقالية يلي بيحارتو وأشترى شوية غراض

وعند الدفع طلب من صاحب البقالية أنو يسجلهن عليه بالدين فرفض صاحب

البقالية وقلو ما بتعامل انا إلا بالكاش موني
فقلو الموظف متعجب: بدك كاش ؟؟

قلو صاحب البقالية أي ليش لأ ؟

فجاوبو الموظف :

لأنوالكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

وااالمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

وألأدان معبية البلد

وهالبلد صار في أكل هوا

والهوا صار فيي تلوث

والتلوث عشعش بالنفوس،والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

يوم يأخذ كل ذي حق حقه الذي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني أدم

وأدم علق علقة مصخمة مع حوا

وحوا ما بتعرف غير كلمة بدي

وبدي ألعن أبو هالحالة

بطلت اشتري شي من عندكأجمل نكت مضحكة
الرجوع الى أعلى الصفحة اذهب الى الأسفل
 
أجمل نكت مضحكة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات الاردن اولا :: اضحك و حلل معنا ::   :: قسم النكت-
انتقل الى: